ბრიტანულმა
კომპანია BAE Systems-მა აშშ-ის არმიის გამოცხადებულ ტენდერში, რომელიც
არსებული ჯავშანმანქანა Humvee-ის შემცვლელის__ JLTV-ს შექმნას
Cემსახურება, ავტომობილის თავისი ვარიანტი წარმოადგინა.
ბრიტანელთა მომავლის ჯავშანმანქანა Valanx-ის პროტოტიპის დემონსტრირება
ავსტრალიაში "2010 წლის შეიარაღების სახმელეთო სისტემების გამოფენაზე”
შედგა. მისი ტექნიკური მახასიათებლების შესახებ ცნობები ჯერჯერობით არ
ვრცელდება.
ცნობილია, რომ ამერიკის შეიარაღებული ძალების მიერ ჯავშანმანქანის შექმნაზე
გამოცხადებულ ტენდერში სამი კომპანია: BAE Systems-ი, General Tactical-ი
და Vehicles Lockheed Martin-ი მონაწილეობს. ამერიკელ სამხედროთა
მოთხოვნით, ავტომობილი ორი ტიპის (მძიმე და მსუბუქი) ჯავშნით იქნება
დაცული, საწვავის მარაგი 480 კმ-ზეა გათვლილი და არანაკლებ 70 კმ/სთ-ში
სიჩქარე ინდა განავითაროს.
ამასთან, JLTV-ი გადაადგილების უნარს ძრავას გაგრილების სისტემისა თუ ორი
საბურავის დაზიანების შემთხვევაშიც უნდა ინარჩუნებდეს. გათვალისწინებული
უნდა იყოს ჯავშანავტომობილის თვითმფრინავით C-130 Hercules-ით და
შვეულმფრენებით (CH-47, CH-57 და VH-47) ტრანსპორტირებისა და შემდეგ
დესანტირების შესაძლებლობა.
ტენდერში გამარჯვებულ კომპანიას ამერიკელი სამხედროები 50-60 ათას
ჯავშანმანქანას შეუკვეთენ. კონტრაქტის ღირებულება კი დაახლოებით 20
მილიარდი დოლარია.
